!مرجع شعرهای ترکی آذربایجانی

[Pasiran]

بریتنی عزیز

یکی از بهترین سایتهای آموزش ترکی سایت خانم شهربانو ...

آدرس شعرهای ترکی با ترجمه فارسی خانم شهربانو
http://www.gayagizi3.blogspot.com/

آدرس آموزش ترکی آذربایجانی

http://gayagizi3.blogfa.com

آدرس حکایتهای شهربانو

http://gayagizi.blogspot.com

آدرس وبلاگ حیدربابابیه سلام با ترجمه فارسی

http://heydarbaba.mihanblog.com

آدرس آتا سوزلری با ضرب المثلهای ترکی

http://atasozo.mihanblog.com

آدرس وبلاگ سوزلوک خانم شهربانو

http://gayagizi5.blogspot.com

 

[Behrooz]

گئتمك ايسته ييرسن بهانه سيز گئت
اويالتما مورگولو خاطيرالاري
سسين همين سسدير باخيشين اوگي
گئديرسن سسين ده ياد اولسون باري
سن دنيز قوينونا آتيلميش چيچك
اوستونه دالغالار آتيلاجاقدير
ساخلا محبتي ساخلا سندتك
نه واقتا اوستونه آچيلاجاقدير
يولارتك دوشه نيم آياقلارينا
سنه يالواريم مي بو ممكون دگيل
قويمارام قلبيم تك ووقاريم سينا
آلچاليپ ياشاماق عومورگون دگيل
دئميره م سن اوجا بير داغسان اگيل
دئميره م علاجيم قاليبدير سنه
نه سنده محبت قارا پول دگيل
نه من ديلنچيم ال آچيم سنه
گئتمك ايسته ييرسن نه دانيش نه دين
يوخ اول اوزاقلارتك دوماندا چمده
نيمي سئوميشدين ديه بيلمه دين
اينديسه يوز عيب گورورسن منده

 

[Behrooz]

سني ياز قاطاري آپاردي تئزدن
ائله بيل دونياني قارلي قيش آلدي
هئچ يانا گئتمه دون سن يئر اوزوندن
بس نيه يئر اوزو بيردن بوشالدي
گؤيلرين هر نه قدر اولدوزو واردير
گؤيلر چيمنينده ناخيشلاريمدير
اوزووا هر يئردن باخان اولدوز وار
اولدوز يوخ ، حسرتلي باخيشلاريمدير
هجران ائله گلدي آيردي بيزي
سانكي گؤيلره اوچان خيالدين
هجران ائله گلدي آيردي بيزي
بير ايدون مين اولوب قلبيمده قالدين

 

[جاوید ایران]

یک فایل صوتی کوتاه

حيدربابا ايلديرملار شاخاندا

 

[جاوید ایران]

فایل صوتی تبیان 3.2.1

 

[جاوید ایران]

ما شهریار کشور عشقیم ، هوش دار .................... نتوان شکست کوکبه ی شهریار را


تارنمای استاد شهریار

 

[Domrul]

آزمیشام سیسلی کئچیدلرده
بودور
قاش قارالیر،
منی اودماق هوسی له آغیز آچمیش اوچوروم.
گئجه دیر،
قافیله یوللاندی قارانلیقدا،
آمان،
قوشولوم یولچولارا،
یوخسا یول اوستونده دوروم؟!

بیر قاریش یئرده صاحیبسیز دئییل ای تانری،
دئنن:
من بو ییرتیق چادیری هانسی جهننمده قوروم؟
هامی طالعسیز اولوروموش بو گئنیش عالمده،
یوخسا شاعیرلرین ای تانری اولور طالعی شوم؟

 

[asena]

salam,xastam begam man turck zaban nistam ama xaili sheare turcki dost daram.ba vebe shomam barhasbe tasadof ashna shodam.man to urmia daneshjo hastam va xoshbaxtane estedade yad gereftan zabane shirine shoma ro daram.shearatono mixonam o ba komam dosaye turckzabonam tarjome mikonam.chox mamnon

 

[s.daghli]

تيکانلي تئللر


آه بو تيکانلي تئللر...!
باخارسام
گؤزومده
دينرسم
سؤزومده
خياليم دا سنه دوغرو اوچاندا
تيکانلي تئللره تاخيليب قالير
دويغولاريم مني چاغيراندا دا
باخماميش بيليرم
قاپ-باجاني سارميش
تيکانلي تئللر
او اوزدن گؤزه­ليم
سني گؤرمک دئييل
اوزاقدان دا اولسا
بير ساده سالام...
اودا قالسين هله
بير سس­سيز گؤروشون بئله
آرزي- خيالي
بئينيمده دوغماميش
تيکانلارين جايناغيندا گوللنير
دئ!
ندن دولماسين شعردفتريم
تيکانلي تئللرين ايزلري ايله؟
او منيم بويوران
منيم آميريم
قوي قورتاريم سني منيم قلميم.
دفتريمسه
قلبيم
دويغوم
آرزيم
خياليم.
باشاريب دئديگيم بو قدرجيگين
اؤيرنندن سونرا دئسه­نه گولوم
جانيم
سئوگيليم!
يئنه ده مندن گيلئيلي ميسن؟



~~~~~~~~~~~~~~~~~~~~~~~~~~~~~~~~~~


آه او گون...


شانيم
شرفيم
غئيرتيم
غوروروم دوستاقدا
ها دارتينير
ها دارتينير
دار قفسين سينديرانمير
قالخير دوشور
قالخير دوشور
بو گؤرونتو كور اينساني قانديرانمير
ايزله يير بيري
الي باغلي قولو باغلي ديلي باغلي
سئير ائدير بيري
ال-آياغي چكمه لري ديزه قدر قيزيل قانلي
قلبي باغلي
غوروروم منليگيم دئييل
غورور منيم بوتونومدور
غوروروم اولمايان يئرده من ده يوخام
...
بير گون واراق دؤنريسه
من قلبيمي قيفيللاييب
آچاريني
تاريخيمين ويلدن درين قويوسونا آتاجاغام
اينسانيت درسي وئرن كيتابلارين
بيرر بيرر واراقلارين
كينه دولو نيفرت دولو
ان موقددس شعيرلرله دييشديريب
گونش توتان هر بير يئره آساجاغام


~~~~~~~~~~~~~~~~~~~~~~~~~~


يات هله


آيسيز گئجه لر اوزونو
ياغماچيلار يوروشوندن
ان موقددس وارليغيميز
بوغدا کيمي تالالاردان توپارلانيب
تاريخين گئن خرمنينده
خينجير خينجير ازيلدي
سامان اولوب ساورولدو
يئتيم قالميش آرزيلار
دارماداغين داغيليب
کول کوسلارين اوزرينه
آغيرليقدان يئرده قالان
برکنلي دردلريميز

ائشيتسه يدين سسيمي بير
سنه اويان دييه جکديم
نه يازيق كي اسير"من" ين پلتک ديلي
بولوشمادي سنين قيفيل قولاغينلا

گيزله ديلميش آچالارين آدرئسيني وئره چکديم:
"دئوين جاني جام ايچينده اولان کيمي
بيزيم قيفيللاريميزين آچاري دا
اوخونماميش کيتابلارين
واراق- واراق
سطير- سطير
سؤزلرينين ايچينده دير" دييه جکديم

نه يازيق کي ائشيتميرسن
نه يازيق کي يئترينجه سسيم چيخمير...

يات گؤزليم
آمما بيرآن اويانيب دا
دوه کوچموش يورد آغلايير گؤرريسن
آچيق دئييم تام اولاراق اؤزونو يوخ گؤرريسن
هئچ شاشيرما
کيمسه ني ده قيناما داي



~~~~~~~~~~~~~~~~~~~~~~~~~~~~~~~~~~~~~




گيزلي مكتوب



سلام...

سنه سلام وئرمك بئله

نيسگيل اولوب

بو گون سنه نه دئمه لي؟

تبريك دئييم؟

يا تسليت؟

شن گونونده

ديله كلرين

ديره كلرين باشين اؤپدو

ظاليملرين ميندار الي

آرزيلاري

كول ائله ييب يئره سپدي

ايللر بويو حسرت – حسرت

اؤكسوز باشسيز بير اوشاق تك

يئتيم قالميش بير اوشاق تك

گئندن گئنه

خياليمدا سني سوزوب

دردلريمي

كلمه – كلمه

گؤزلريمه آخيتميشام

آرخايينام مني دويدون

آرخايين اول آنام منيم

اوزوم هر يانا باخسادا

دونيالارين دردي سيغان گئن اوره­يين

كعبه م اولموش

من هئچ سندن آيريلمام كي

آيريلامام!

اؤگئي آتا قورخوسوندان

احواليني سورانميرام

آرتيق دونيا دييشميش­دير

او قده­ر كي

بو قده­رجيك بير مكتوبو

گيزلي­سه ده يازيب يئله وئرمك اولور

گؤزله مني
بلكه بير گون گؤروشوموز گئرچكله شر...


83/9/21



~~~~~~~~~~~~~~~~~~~~~~~~~~~~~~~~~~~~~~



...


حسرتيمي اكه­جگم
گؤز ياشينلا اونو سووار
بيتسين بير هئيوه­ره ناغيل
قهرماني جوت باش بير دئو
دورسون گودزيلا قارشيندا




~~~~~~~~~~~~~~~~~~~~~~~~~~~~~~~~~~~




من سن او


سن من ايدين
من سن ايديم
آرزيميزين شيرين شيرين ماهنيلارين
داغدا سونبول
باغدا بولبول اوخويوردو
*
سن سن اولدون
من ايسه من
يولداشيميز
سيرداشيميز
قارلي دام دوواردا گزن
يازدان قاچان قارغا اولدو
* *
سن او اولسان
من او اولسام
اينان
بايقوش يووا باغلار تاخچاميزدا
* * *


~~~~~~~~~~~~~~~~~~~~~~~~~~~~~~~~~~




کؤکلولرين کؤک يوکلري


ديک دولانان کؤکلولرين کؤک يوکلري
کؤکسوزلرين چيگينينده­دير
آريق قارا بئلي بؤکوک اؤکسوزلرين آغيرليغي
اصالتلي نسبلي نين بئينينده­دير

منيم چيگنيم
سنين بئينين
ياشاييشين ناقيص رسمين بوتونله­دير

رسسام الي آلقيشلانير
آغ سارايلار دوواريندا

داشدان چيخميش قورو چؤره­ک
پالچيقلانير
يام آتلارين ديرناغيندا

وارليلارين تورپاقلاري
بير اووج دا
آرتا بلکه




~~~~~~~~~~~~~~~~~~~~~~~~~~~~~~~~~~~~~~~~~~~~





يول قرار وئرسين

بير شوم سحر چاغي دان جيزيلداركن
آپارديلار سني بوردان
قوپارديلار سني مندن
بير آغاجي اؤز كؤكوندن قوپاران كيمي
من سه دونوب قالديم باخار كورا تاي
الي قولو باغلي
جانسيز بير هئيكل
سسيمي ده اوتدوم نفسيم كيمي
قاراباخت قارانليق چؤكدو باشيما
سن دئمه بو سحر گئرچك دئييلميش
داها چوخ وار سحره سنه لر قدر
سوررسه يئتيشمم سنه نه قدر
گؤزلريم تيكيلميش يولونا آرتيق
گونشه مرحبا اوگون دئمه لي
هله ده هله ده هله ده هله
اينله يير بير آجي سيزي قلبيمده
ياشايير زوغونون ايزي قلبيمده
بيترمي بو يارا؟
ايترمي بو ايتگي؟
يئترمي بو حسرت؟
بيله بيلميرم
گؤزلمك له اولمور گركدير بونا
بيز يولا قويولاق يول قرار وئرسين




س. داغلي